Bersiva Nivîsa şovînîstekî Ereb

   Hekar Findî

Ne gelek seyre ji bo min demê ez dibînim yan jî dibihîsim ku ( Ereb ) bi her awayekî be li dijî me radiwestin , lê tihstekî min heye ku her tim ez dibêjim û ez bawerim her kesê kurd jî weha dibêje ... erê ma em Erebin , yan xaka me ya Erebane ... ma emê ji ereban tihstekî bistinin yan jî eme mafê xwe vegerînin ...hetmen ev mafê meye ê ku em jêre xebat dikin . Evca bi tu awayan mafê tu milletan nîne ku bibin rêgir di rêya me de.

Berî çend rojan hevalekî min ez agedarkirin ku nivîserê Ereb “ Xalid El-Qiştinî“ di goşa xwe ya rojane di rojnama “ Eşerq Elewset “ ya roja 29.9.2004 an de  li bin navê (Pirsek bo hawlatiyê Kurd : çi mifa di serxwebûnê deye ) hin tihşt nivîsnadine ku birastî gelek gotinê wî cihê pêkenînê ne, wî bi hizreke gelek şofînî û vala xwe li hemberî hesta netewayetî li cem Kurdan  leyzandîye .

Emê hin gotinê wî rexne bikin , bila bêjin emê bersiv bidin baştire .

Ew tê û behsa zimanê Kurdî dike û dibêjê " ta niha zimanê Kurdan tuneye (!!).. kesê li Helebçe dijî ji kesê ku li Amêdîyê dijî fam nake.... Kurdên bakurî bi tîpê latînî dinvîsin û Kurdên din bi tîpên Erebî dinivîsin " .

Ez jî yê bêjim wî :

Pêzanînên te gelek kêm û sade ne , peyva ziman ne raste bo vê gotina  te bikar anîye belku te dikarî bêjî zarav ... raste em Kurd ta niha ne xwedî zimanekî yekbûy ne . Ser gotina ku ew kesê li wan cihên te destnişan kirîn ji hev fam nakin ew jî ne raste , Kurd xwedî gelek zaravin, lê her ji hev fam dikin ... tenê hin gotin nebin ku ji hev cêwazin , lê bila ji bîra neke ku Ereban jî bi dehan zarav hene û ew bi xwe jî ji hev fam nakin (ger em weke hizra wî fam bikin). Derbarê bikar anîna pîtan .. ew jî her bo dagîrkirna dujminan vedigere .. ku desthilatên dagîrker wesa kirin ku niha cêwazîya pîtan di nava me de hebin .

Lê bila Qiştînîye delal kartêkirina ola îslamê jî ji bîra neke ... kanê islamê çend xizmeta netewa ereban kiriye û ta niha jî ereb islametîyê bo berjewendiya xwe û netewa xwe bi kar tînin .

Dîsan ew tê û behsa nebûna ferheng û jêder û pirtûk û inskilopîdiya ya dike ....di ser hindê ra jî Kurdan her tim xwe ji kêmtirî tu milletan ne dîtîye û xebat di wan kara da kiriye,  erê ma Kurdan kinga xwe serbest dîtine ... derfet bo wan cêbune û wan ev yek ji xwe re nekirine ... erê ma ereban çewa ev tihst ji xwe re peyda kirine ... ger serxwebûn û azadiya ereban ne baye .. niha ereb yê xwedî ev tihste bane? .....erê ma her ne dujminên Kurdan ev rê li hemberî me Kurdan girtine . Xalid El-Qiştinî bila here ji Seddam Hûsênê xwe yê cinayetkar bipirse ka wî çi bi sere Kurd û Kurdistanê dianî.

Piştire nivîskar tê û xwe şaş dike û ereban bi milletekê xwedî dîrokek dûr u dirêj û pêşkeftineke şarsitanî dibînê , lê ew nabêje ku dîroka wan pirî tiştê nizim û paşketîye,  çima dab û nerîtên xwe yên ne mirovatî û şaristanî li pêş cav nabîne ... ew cawa dîrokeke pirî karên hovane bi dîrokeke şaristanî û pêşketî dibîne . Bila ew bi xwe careke din baş li dîroka xwe mêze bike .

Ew bi serxwebûna me ketina barekê giran li ser millên me dibîne ... ew dibêje " Dema Kurd  ji laşe niştîmanê Erebî veqetiyan wê demê ewê bikevin astenga, ji ber niha gelek Kurd di nava ereban de kar dikin ji ber zanîna wan bi zimanê ereba ".

Em jî dibêjin:” em ne ji niştîmanê erebane ta jê veqetîn, em  neteweyeke serbixwene û kawdanên cihanê weha li me kir ku niştîmanê me perçe bibe û niştîmanê me ne tenê bi welatên ereban ve hatiye girêdan .

Ger milyoneke (bila gelek bi zêdehî em bêjin )  Kurdan di nava erban de kardikin ji ber zanîbûna wan bi zimanê Erebî , ez dibêjimê ku niha bi cend milyona Kurd di nava welatên Ewropa yê de hene û zimanê wan jî dizanin û bi wan re kar dikin ... ev dibe ku em bêjîn em ji Ewropayê ne?!

Ew fêrkirin û xwendina Kurdî bi guneheke mezin dibîne û dibêje:” ger ez di cihê Kurdan de bame minê zarokên xwe ne rêkirbane xwendingehên Kurdî , ji ber ew tu mifayî jê na sitînin û sibê yê bibin nezan, ew nikarin bi wî zimanî kar bikin“,

Ez dibêjim cima niha tev welatên ereban yên xwedî ( şaristanîi û dîrokeke geş ) zaroyên xwe bi zimanê Erebi fêrdikin, yan welatên pêşketî cima bi zimanê xwe dixwînin û dinivîsin? Û çima em Kurd karekî wiha nekin?.

Çima ew nikarin pê kar bikin ....çawa Ereb yan Tirk yan Faris yan her milletekê din bi zimanê xwe yê zikmakî kardikin em jî yê wesa kar bikin .

Raste zanîbûna zimanan mifayê xwe heye ... ger zaro , law u her kesê Kurd bi ingilîzî yan her zimanekeî Ewrupî bizane, emê bêjin başe. Ji ber zanîbûn û hebûna jêder û pirtuk û hwd her tiştên wan hene, lê bila ne bêje ku zanîbuna zimanê Erebî mifayê xwe heye û  bila Kurd bi Erebî bixwînin û binvîsin, ma ereban çi dahênan hene , ma ereban ci tihstê nu derxistîye , ka zansitê wan yê pêşketî?.

Ew navê hin edîbên Kurdan tîne ziman ku wan bi zimanê Erebî nivîsandîne û di nava ereban de hatine naskirin û dibêje " Ger wan ne bi erebi nivîsandibane ew ne dihatin nas kirin" , lê ew nabêje ku ereb ji ber ne zanîna xwe ya her û her ew ji zimanê xwe pêtir tihstekî nizanin, ger wan Kurdî bizaîbaye wane gelek tihstê din bizanîbaye, erê ma ereb wekîlên xwedê ne ta em neçarbin xwe di nava wan de binasînin?, milletê Kurd jî xwedî edeb û toreye. Me bivê nevê emê di nava rûpelên xwe de nivîsinê bikin, lê bila em di hinek alîyên din de jî bi zimanên din binvîsînîn ji bo gelek tihstên din. Ez bêjim her milletekê bi kultûr û edebê xwe tê nasîn, ne bi kultur û edbê milletên din . Niha di cîhanê de zimanê ingilîzî li ba her kesî balkêşe ku bizane ji ber pêtivîyayetî her kesî pê bê kirin. Li vêre emê bêjin:“pa çend ereb hene ku ew bi ingilîzî dinivîsînin û xwe di nava edebê ingilizî de dane naskirin“?.  Ez bawerim tunene .

Xalid El-Qiştinî dibêje" Ger wan kesan bi Kurdî nivîsandibaye keskî ew nas ne dikirin".

Ez jî dibêjim ew tenê di nava ereban de hatine naskirin neke di nava cihanê de, her wesa tihstekî din yê herî giring heye bêjim ku ew kesê xizmeta edebê Ereban kirbe ew li ba Kurdan ne hatîye nas kirin, tenê ew li ba çîna edîban yên ku bi zimanê Erebî dizanin hatine naskirin, lê ew edîbê bi Kurdî nivîsandiye ew li ba tev Kurdan hatîye nas kirin, giring ewe ku mirov xizmeta gelê xwe bike .

Bila Qiştînî bizanîbe ku kesên wî ji xwe re kirine mînak ew kes li ba Kurdan nayên pîrozkirin .

Em jî dibêjin cima tev ereb jî bi zimanekî din nanivîsin û dest ji zimanê xwe bernadin .

Xalid El-Qiştinî careke din tê û xwe têxîne nava şaşîtîyan de, û dibêje "Aborîya Kurdistanê bi pir feqîre dide nasîn , cihê Kurdistanê ciheke feqîre, cihê Kurdan tev ciyayî ye, gaza Kurdan wê xelas bibe . lê  cihê ereban pir zengîne.“

Lê ew  nebûna geşepêdanê li Kurdistanê nabîne ku dujminan weha kirine, lê her vedigerîne ve bo serûberê Kurdistanê yê pir feqîr, ew bajarên ereban berawrid dike digel bajarên Kurdistanê û dibêje " lê binêre çawa em pêşketîne, bila Kurd nebêjin cima bajarên me ne peşketîne " .

Birastî ev gotineke gelek seyre ... nizanim çewa devereke bitevde biyaban be ew zengîn tir ji devereke ciyayî dibîne, nizanim cihê ereban ci tê deye, erê ma ne ereban xwe bi gazê kirin mirov , erê çima gaza Kurdan wê xelas bibe û gaza ereban xelas nabe?, ger gaza Kurdan jî tunebe cihê Kurdan pir zengîne.

Her wesa ew xebata leşkirî ya Kurd  li dijî Seddamê dîktator bi tawan dibîne ...  her wesa dibêje " Ger xebata wan nebaye .. ev şer jî li dijî wan ne dibûn " .

Seyre an ne… ez jî dibêjim çima erban xebat kir ... bila ew jî bê deng bimabane, niha ew yê xwedî  ziman û kultur û welatên xwe ne bane, ev çewa dibe .... çima ji bo wan pîroze û ji bo  me tawane?.

Bila em dûr ne cin û xebata felestîniyan li hemberî Israîlîyan bêxîn ber cavê wî .

Xalid El-Qiştinî girêdana kesekî bi netewa xwe ve mîna lawekî demê evîndarê kiçekê dibe ku her tişt li hemberî wî nayê ditin, tinê yara wî nebe, lê ew ji bîra dike ku Qurana wî dibêje ku xwedê mezin millet dane çêkirin ji bo nasandinê. Li pey gotina wî ez jî dibêjim bila ew jî nebe evndareke 14 salî. Bila bi zimane xwe ne nivîsîne, bila xwe bi ereb nebîne piştre bila bê û bi xelkê re biaxive ….( mîna wî kesê cigara dikêşe û ji xelkê re dibêje nekêşin ev ziyane ) .  

Çima ta niha ew bi Erebî dixwîne û dinivîse .. erê ew ne li Ewropayê dijî .

Di dawîyê de jî ew ve nivîsa xwe weke namekê dide nasîn û ji himwlatîyê Kurd re dibêje : hîvîdikim ku tu vê nama min ji xwe re hilbigire û  bo zaroyên xwe bi cî bihêlî“.

Xalid El-Qiştinî xwe weke bab yan jî rêberê Kurdan dibîne, lê ez bêjim bila here cem milletê xwe û ji wna re bibe bab û rêya baş ji wan re diyar bike, em ne pêtivîyên kesên mîna te ne .

gelek tiştên din jî hebûn ku bersiv bidim, lê min nexwest ku gelek serê xwendevana gêj bikim .Her wesa min gelek bi kurtî jî ew bersiv dane û min nexwest ez gelek herim nava her bersivekê , her ji ber dirêjîya babetî .

 ev jii navnişhanê nivîsara Xalid El-Qiştinî ye bi zimanê Erebî :  

http://www.asharqalawsat.com/default.asp?issue=9437&search=خالد%20القشطيني&page=leader&article=257720&state=trueç257720

Xelqê ku ji sîne û ji dil saf

Pakîze siroşt û ehlî insaf

Bîlcumle biken ji bo me tehşîn

Bêjin ku qencî hate tedwîn

Xani