|
Guman têda nîne ku ew merema wezareta xwandina bala û tûjînewey
zanstî pê hatiye damezrandin her bu hindê bûye ku bibîte
piştevan û rêkxoşkera xwandina bala li kurdistanê evca çi
dabînkirna pêtvîyên giring bo helgirên bawernamên bilnd (Master
û Diktora) il kurdistanê yan pêşkêşkirina yarmetîyê bo qotabiyên
bivên bibne helgirên van cure bawernaman.
Bi dîtina min wezaret ta radekê ya serkeftî bûye divî warîda, lê
dîsan rolê zankoyên kurdistanê jî yê berçav bûye bo pêşvebirin û
werarkirina wezaretê, evca çi birêka pêşkêşkirina pêşniyarên
zanstî yan îdarî, yan jî birêka wan mamostayên zankoyê ewên li
wezaretê kardken bi taybet evên xodan serbor û ezmoneka baş hey
diwarê îdarê da.
zankoya dihok jî ji vî erkê pîroz ne ya bê barbuye belku ji
zankoyên pêşîn bûye divî bîyavî da û herdem ya amadebûye bo
pêşkêşkirina hemî cure pêşniyaran û raweejkarîyan bo wezarta
navbirî.
Belê divêt em jbîrneken ku çi kar nînin bê kêmasî yan hindek
şaşî têda nebin, lewra ez dê nimûneyekê biçûk danime ber sîngê
cihên peywendîdar û berpirs li wezareta xwandina bala, ew jî ya
girêdayî mezaxtina dermalên diravî ye bo mamostayên zankoyê evên
dihêne raspardin bi encamdana karên îdarî dinav zankoyan da...
fere bêjîn merem jivê nivêsînê ne dirave belku wekhevî û
dadperwerî ye.
Li gor vê yekê her mamostayekê zankoyê ku weke serok pişk li
kolîjê birê (250,000) dû sed û pênçî hizar dînar bo dihêne
mezaxtin (eve jî karekê başe), her wesa her mamostayekê zankoyê
bibîte biriyarder li her pişkekê birê (150,000) sed û pênçî hzar
dînar bo dihêne mezaxtin (eve jî pêngaveka başe).
Lê demê mamostayê zankoyê bi karekê îdarî li serokatiya zankoyê
dihête raspardin tinê birê (100,000) sed hizar dînar bo dihêne
mezaxtin? erê çi cêwazî heye dinavbera karkirin li cihekê îdarî
li kolîjê digel karkirin li cihekê îdarî li serokatiya zankoyê,
erê kîjan kar bi sergêjîtir û zehmet tire!? berpirs ji karê
pişkekê li kolîjê? yan berpirs ji karê hemî kolîjan li
serokatiya zankoyê?.
Erê kîjan kar bizehmet tire ya ne kêmî karên dî ye ... wek
nimûne, karê (rêveberîya kargêrî, rêveberîya tûmara giştî,
rêveberîya ragehandinê, zêdebarî çendîn yekên dî) ku ser bi
serokatiya zankoyê ve ne, yan karê serok pişk û biriyarderên
pişka li kolîjan.
Dîsan divêt em ji bîr nekeyn ku her ev dermale dibine egerê
hindê ku gelek mamosta hez biken kar li wan cihên mediyarkirîn
li kolîjan karbiken lê di heman demda gelek ji wan ne diberhevin
li cihên ser bi serokatiya zankoyê ve kar biken, ji ber kêmatiya
dermalan .
Erê ne fere ku dadweriyek hebîtin di belavekirin û dest
nîşankirina dermalên diravîda her wesa berawrdiyek bêtekirin
dinav bera dermalên îdarî da li kolîje û serokatiya zankoyê.
Erê ne erkê cihên peywendîdar û perpirse li serokatîyên zankoya
ku ev babete birêka wan bihête gengeşekirin digel wezarta
xwandina bala û çarek bo bête dîtin, anku dermalên diravî yên
mamostayên zankoyê evên li serokatiya zankoyê kardiken wekhevî
wan mamostayên li kolîjan bin ewên bikarên îdarî radibn .
Bila ne ête jibîr kirin ku mezaxtin û terxankirina dermalan ji
bo wê yekê hatiye ku bibîte palderek bo pitir pêşvebirin û
encamdana karan bi rengekê baştir, lê wek diyar wezareta
xwandina bala û tûjînewey zanstî divî warî da ya sernekeftî
bûye, ku bûye egerê peydakirna newek hevîyê dinav bera
mamostayan da ji layekî ve, û ji layekê dî ve peydakirina
cêwaziyan di karên kargêrî da.
* Mamostayê Zankoya Dihok
(Di Kovara Peyama Zankoyê
de hatiye belavkirin, Hijmar 8)
|
Nivîs
